Neftçalada Xocali Sevgisi

Neftçalada “Xocalı” abidəsinin açılışı olmuşdur

Son illərde Xocali faciyəsinin daha geniş çərçivədə ictimayətə çatdırılması bizim rayondada özünü göstərməkdədir.

Fevralın 25-də Neftçala şəhərinin Heydər Əliyev Prospektində “Xocalı” abidəsinin açılışı olmuşdur.

Rayon icra hakimiyyətinin başçısı İsmayıl Vəliyev, Milli Məclisin deputatı Arif Rəhimzadə, idarə, müəssisə və təşkilatların rəhbərləri, müharibə veteranları, yaşlı nəslin, gənclərin və ictimaiyyətin nümayəndələri, şəhər sakinləri abidə önünə əklillər və gül dəstələri düzərək Xocalı soyqırımı qurbanlarının xatirəsini ehtiramla yad etmişlər.
Mərasim iştirakçıları Rayon Rəsm Qalareyasında Xocalı soyqırımının 20-ci ildönümü ilə bağlı məktəblilərin əl işlərindən ibarət sərgi ilə tanış olmuş, rayon mədəniyyət sarayında “Xocalı harayı” mövzusunda ədəbi-bədii kompozisiyaya tamaşa etmişlər

Nəzərinizə çatdıraq ki,1992-ci il fevralın 25-dən 26-a keçən gecə Ermənistan silahlı qüvvələri SSRİ dövründən Xa nkəndi(Stepanakert) şəhərində yerləşən 366-cı motoatıcı alayın zirehli texnikası və hərbi heyətinin köməkliyi ilə Xocalı şəhərini işğal etdi. Hücumdan əvvəl, fevralın 25-i axşam şəhər toplardan və ağır artileriyadan şiddətli atəşə tutuldu. Nəticədə, fevralın 26-ı səhər saat 5 radələrində Xocalı tam alova büründü. Mühasirəyə alınan şəhərdə qalmış təqribən 2500 nəfər xocalılı Ağdam rayonunun mərkəzinə çatmaq ümidi ilə şəhəri tərk etdi. Amma bir günün içində yer üzündən silinən şəhəri tərk edən 2500 Xocalı sakinindən 613-ü düşmən gülləsinə tuş gəlib qətliamın qurbanı oldu. Bu soyqırım nəticəsində 63-ü uşaq, 106-sı qadın, 70-i qoca və qarı olmaqla – 613 nəfər Xocalı sakini qətlə yetirildi, 8 ailə tamamilə məhv edildi, 25 uşaq hər iki valideynini, 130 uşaq valideynlərindən birini itirdi. Düşmən gülləsinə tuş gəlib yaralanan 487 nəfərdən 76-sı uşaq idi. 1275 xocalılı əsir, 150 xocalılı itkin düşdü. Dövlətin və əhalinin əmlakına 1 aprel 1992-ci  il tarixinə olan qiymətlərlə 5 mlrd. rubl dəyərində ziyan vurulmuşdur.
ALLAH ŞƏHİDLƏRƏ RƏHMƏT ELƏSİN